रोमानिया पठाइदिन्छु भन्दै २१ लाखभन्दा बढी ठग्‍ने पक्राउ

१८ पुष, काठमाडौं : रोमानिया पठाइदिन्छु भन्दै २१ लाखभन्दा बढी रकम ठगी गरेको आरोपमा प्रहरीले एकजनालाई पक्राउ गरेको छ। पक्राउ पर्नेमा दोलखा जिल्ला मेलुङ गाउँपालिका-२ घर भई काठमाडौं बाङगेमुढा बस्ने ५० वर्षीय ढालबहादुर बुढाथोकी छन्। उनलाई प्रहरीको काठमाडौं उपत्यका अपराध अनुसन्धानको टोलीले आज दिउँसो असनबाट पक्राउ गरेको हो।

उनले मिलन नेपालीसमेत १४ जनालाई वैदेशिक रोजगारीको लागि रोमानिया पठाइदिन्छु भन्दै प्रतिव्यक्ति छ लाख रुपैयाँका दरले ठगी गरेका थिए।

रोमानियामा फुड प्याकिङमा काम हुन्छ र मासिक तलब एक लाख हुन्छ भनी उनले विश्वास दिलाई प्रलोभनमा पारी पीडितहरुबाट पटकपटक गरी जम्मा एक्काइस लाख छत्तिस हजार रुपैयाँ रकम लिई फरार भएका थिए।

पक्राउ परेका बुढाथोकीलाई थप अनुसन्धान तथा कारबाहीका लागि वैदेशिक रोजगार विभाग ताहाचलमा पठाइएको प्रहरीले जनाएको छ।

थप सामाग्री

खरेन्द्रपुरमा रक्तदान, १ सय ४५ पिन्ट रगत संकलन

भदौ १४, २०८३

कपिलवस्तु, १४ भदौ । राष्ट्रिय विपत्तिको अवस्थामा हुन सक्ने सम्भावित रगत अभावलाई मध्यनजर गर्दै कपिलवस्तुको शिवराज नगरपालिका-३, खरेन्द्रपुरमा आयोजित एकदिवसीय…