कर्णाली प्रदेश अस्पतालका पाँच स्वास्थ्यकर्मीमा कोरोना पोजेटिभ

सुर्खेत । कर्णाली प्रदेश अस्पतालका पाँच जना स्वास्थ्यकर्मीमा कोरोना पोजेटिभ(संक्रमण) देखिएको छ ।

अस्पतालका १ जना भिडियो एक्सरेमा कार्यरत र ४ जना ल्यावमा कार्यरत स्वास्थ्यकर्मीमा कोरोना पोजेटिभ देखिएको प्रदेश अस्पतालका निर्देशक डाक्टर डम्बर खड्काले जानकारी दिनुभयो।

उनीहरु सबैको प्रदेश अस्पतालको आइसोलेशनमा राखेर उपचार भइरहेको खड्काले बताउनुभयो। प्रदेश अस्पतालको आकस्मिक कक्षमा उपचार गराइरहेका ३ जना विरामीमा कोरोना पोजेटिभ देखिएपछि उपचारमा संलग्न ४२ जनालाई क्वारेनिटनमा राखिएको थियो ।

उनीहरुको पीसीआर परीक्षण गर्दा ५ जनामा कोरोना संक्रमण पुष्टि भएको हो ।