शिवराजले रोक्यो ‘विद्यालयमा राजनितिक कार्यक्रम गर्न’

कपिलवस्तुको शिवराज नगरपालिकाले विद्यालयमा राजनितिक कार्यक्रम गर्न रोक लगाएको छ । मंगलवार एक सुचना जारी गर्दै विद्यालय शान्ती क्षेत्र राष्ट्रिय ढाचा कार्यान्वयन निर्देशिका बमोजिम नगरभित्रका सामुदायिक विद्यालय तथा बालविकासमा कुनै पनि राजनितिक कार्यक्रम गर्न नदिने जनाएको छ ।

विद्यालयमा स्तरमा कुनै पनि राजनितिकका समद्ध संघ,संगठन विद्यार्थी संघ,संगठनको गठन, बैठक अन्य क्रियाकलाप नगराउनु भनि सूचना जारी गरेको नगर प्रमुख अजय थापाले बताउनुभयो ।

विद्यालयलाई शान्ति क्षेत्रको रुपमा विकास गर्दै राजनिति भन्दा टाढा राख्नको लागि यस्तो निर्णय गरीएको थापाले बताउनुभयो ।नगरले विद्यालयमा कुनै पनि प्रकारको राजनिति नगर्न समेत सबै पक्षलाई सचेत गराएको छ ।